多謝
日前既心緒不寧．
無錯．．．一時嘅負面情緒的確係可以困擾我半個月
~~~~~~~~~~~~~~~~~~~~~~~~~~~~~~~~~~~~~~~~~~~~~~~~
1) 我的從前
其實我一直都知道
自己有一個好唔妥既生命態度
我需要其他人既力量，先可以體現到自己既存在
所以就會太遷就其他人，忽略左自己
有時為左顧及其他人既感受，令我生活得好委屈
因為咁．．．我先會對”喺無得揀入面，有得揀”咁珍而重之
我似乎一直努力咁追求人地眼中既完美
有一次，因為不修邊幅嘅我仍然得到其他人既欣賞
我感動到差ｄ喊左出黎
我一直都冇同人講
我感動，係因為我係你身上見到自己嘅完美
不過，呢一切都黎得太唔健康了
無左其他人，我似乎就會咩都睇唔到
2) 卡在中間－現在
2.1)欣賞．接受
我決定左要學習欣賞呢個唔完美既自己
～欣賞我既懶洋洋，悠閒既步伐－ 可以慢慢咁感受身邊既一事一物，尋找生活中嘅趣
～欣賞我既俾錯反應－ 自己都估唔到嘅反應，應該可以體玩到非一般嘅化學反應
～欣賞我對權威嘅無懼－ 可以日日挑老細機，唔講大話呃佢，真心對佢
～接受自己嘅內在矛盾－ 明白身體入面有兩個我，要好好管理以免精神分裂
～欣賞自己嘅復古情懷－ 鉈錶．鋼筆．留聲機，全部都好靚好鍾意
～欣賞自己嘅直率－ 我唔忍心講ｄ違背自己既野，我知道傷害人時同時傷害左自己
～欣賞自己嘅童心－ 因為我仲有能力去掌握同擁抱兒時簡單的快樂
～堅守自己嘅原則－ 即使同世俗既規範唔相同，我仍然會相信自己嘅真理
～欣賞自己周身刀冇張利－ 刀太利，有時會切親自己
所以我都欣賞玩具相機digital harinezumi 2++，因為佢嘅唔完美，令世界更豐富
2.2)愛惜．改變
我要學習點樣好好愛惜自己
我知道我學野好慢，好悠閒．我會好好感受呢個悠長既學習過程
～嘗試多ｄ真心咁笑－ 咁先至可以製造一個好嘅磁場俾自己去享受唔知幾時會完既生命
～學下點樣真正咁表達自己－ 希望我表達得唔係最好，但係你都能夠明白我
～學下點樣更加自信同堅強－ 客觀黎講我都算係幾叻架，差在自己未完全咁肯定自我，欣賞自己既所作所為
～學下點樣先可以生活得健康ｄ－ 健康就一定會靚會開心，會做到一切我想做嘅野
～發展下對做運動既感情－ 自細體育攞C+嘅我，始終會搵到我真正鍾意嘅運動，Find Your Tribe. Be Ruthless.
～好好咁認清同重拾我真正喜歡既事物－ 我仍然會畫畫會玩泥會睇漫畫，因為true love is never too late^^
3)我的將來
我以前每年既願望都係希望身邊既人可以過得開開心心
今年，我決定要俾自己多一ｄ祝福
雖然無人知道下一秒會發生咩野事
不過我有信心我將來一定可以過得舒服自在, 過得比以前幸福
---------------------------------------------------------------------------------------------------
當我竟然有諗過不顧一切
當我竟然會不知所措
當我一停落黎．就會不停咁諗同一樣野時
我就知道，我以後都唔可以同以前一樣
所以我唔可以停，唔可以唔忙...
Chatboard (0)